Միջազգային հարաբերություններում համավարակի պատճառով բացասական լիցքեր կան․ Նիկոլ Փաշինյան

Կորոնավիրուսը ֆորս-մաժոր էր աշխարհի բոլոր երկրների համար, առանց բացառության։ Համաշխարհային խնդիր է այն, որ ոչ ոք պատրաստ չէր նման զարգացման։ Այս մասին «Միր» հեռուստաընկերությանը տված հարցազրույցում ասել է վարչապետ Նիկոլ Փաշինյանը։ 
«Կարծում եմ, որ հիմա ամենակարևորը միջազգային հարաբերություններում մթնոլորտի վերականգնումն է, քանի որ համավարակի պատճառով շատ բացասական լիցքեր կան այդ հարաբերություններում», – ասել է վարչապետը։ Նա նշել է, որ միջազգային հարաբերություններում եղանակները փոխվել են, և հիմա Հայաստանը չունի համագործակցության և շփման նույն մակարդակն իր գործընկերների հետ, ինչպիսին ուներ մինչև համավարակը։ Փաշինյանի խոսքով՝ անհրաժեշտ է աշխատել նախկին հարաբերությունների վերականգնման ուղղությամբ։