Հորդանանում մեկուսացված մարդկանց կարանտինի ընթացքը էլեկտրոնային թևնոցներով կհսկեն. РИА Новости

Հորդանանում սկսվել են հատուկ էլեկտրոնային թևնոցների փորձարկումները, որոնց միջոցով իշխանությունները մտադիր են վերահսկել մարդկանց կողմից տնային կարանտինի ռեժիմի պահպանումը: Այս մասին հայտնում է РИА Новости-ն՝ հղում տալով երկրի ազգային համաճարակային կոմիտեի ղեկավարին:
Երկրի առողջապահության նախարարությունն էլեկտրոնային թևնոցներ է բաժանել 500 բնակչի՝ տնային կարանտինի արդյունավետությունը բարձրացնելու և մեկուսացման ցուցում ստացած անձանց կողմից այլ անձանց հետ շփումը բացառելու համար:

Իշխանությունները նման կերպ կորոնավիրուսի դեմ պայքարելու որոշում են կայացրել, քանի որ տնային կարանտինի պահպանման մի շարք խախտումներ են արձանագրվել: