Երկրի նոր լուսանկարը` տիեզերքից

NASA-ն Երկրի ամբողջական նոր լուսանկար է ներկայացրել, որն արվել է տիեզերքից՝ «Արտեմիս-2» առաքելության ընթացքում։ Տիեզերագնացները, որոնք ներկայումս շարժվում են դեպի Լուսին, ֆիքսել են մոլորակը ամբողջությամբ լուսավորված վիճակում։ 

Գործակալության հրապարակման մեջ նշվում է, որ պատկերում երևում են Երկրի կապույտ և շագանակագույն երանգները, ինչպես նաև մթնոլորտը լուսավորող կանաչ հյուսիսային բևեռային փայլը։ Լուսանկարը ներկայացնում է մոլորակի արտաքին տեսքը տիեզերքից՝ բարձր հստակությամբ։

Նմանատիպ ամբողջական պատկեր NASA-ն վերջին անգամ հրապարակել էր 2015 թվականին։ Նոր լուսանկարը հնարավորություն է տալիս համեմատել մոլորակի տեսքը տարբեր ժամանակահատվածներում և դիտարկել մթնոլորտային երևույթները։

«Արտեմիս-2» առաքելությունը NASA-ի ծրագրի կարևոր փուլերից է, որի շրջանակում նախատեսվում է մարդկանց վերադարձը դեպի Լուսին և հետագա հետազոտությունները։