Դիպուկ կրակոցներին մեր զինված ուժերը պատասխանել են թիրախային դիպուկ կրակով և լռեցրել հակառակորդին. Արծրուն Հովհաննիսյան

Տավուշի մարզի տարբեր գյուղերում տեղակայված մարտական դիրքերի ուղղությամբ գիշերվա ընթացքում եղել են անկանոն կրակոցներ, որոնց մեծ մասին ՀՀ զինված ուժերը պատասխան կրակ չեն վարել, Իջևանում լրագրողների հետ հանդիպմանն ասաց  ՊՆ ներկայացուցիչ Արծրուն Հովհաննիսյանը։

«Այլ բանակային կորպուսների և մարզերի ուղղությամբ եղել են կրակոցներ։ Մասնավորապես՝ Ճամբարակի ուղղությամբ եղել են կրակոցներ, օգտագործվել ավտոմատ նռնականետ։ Դիպուկ կրակոցներին մեր զինված ուժերը պատասխանել են թիրախային դիպուկ կրակով և լռեցրել հակառակորդին», - ասաց Արծրուն Հովաննիսյանը։

Նա նշեց նաև, որ վիրավորների վիճակը շարունակում է մնալ անփոփոխ. մեկ վիրավորի վիճակը ծայրահեղ ծանր է։