Վեդու ԲԿ-ն հաղթահարել է կորոնավիրուսի համաճարակը և անցել բնականոն աշխատանքի

Արարատի մարզպետարանը տեղեկացնում է, որ օգոստոսի 3-ից Վեդու բժշկական կենտրոնը կվերադառնա իր հիմնական աշխատանքին:

«ԲԿ-ն հունիսի 9-ից վերապրոֆիլավորվել էր ինֆեկցիոն հիվանդանոցի և սպասարկում էր կորոնավիրուսով վարակված հիվանդներին:

Շնորհակալություն ենք հայտնում բժշկական կենտրոնի ողջ անձնակազմին՝ համավարակի օրերին դրսևորած բարձր պատասխանատվության, անձնվեր ու հոգատար աշխատանքի համար»,- նշված է մարզպետարանի ֆեյսբուքյան էջում:

Հիշեցնենք, որ վերջին 1 օրում ՀՀ-ում գրանցվել է կորոնավիրուսով վարակման 259 դեպք, ապաքինվել է 542 մարդ: