Լարված իրավիճակ. Ամուլսարի ակտիվիստներն ավտոերթ են կազմակերպում

Պահնորդական նոր կազմակերպության անդամները գիշերը հանել են Ամուլսարի պահապանների տնակը՝ տեղադրելով իրենցը։

Ամուլսարի պահապաններից Շիրակ Բունիաթյանը ֆեյսբուքյան իր էջում ուղիղ տեսակապով տեղեկացնում է ծավալվող իրադարձությունների մասին։

«Այս 2․5 տարվա պայքարի հանգուցալուծումը պետք է այսօր լինի։ Եթե պահնորդական ինչ-որ ծառայություն կարողանում է իր վրա գործառույթ վերցնել ու ոստիկանության փոխարեն մի գիշերվա մեջ ճանապարհները բացել, որն ըստ պայմանագրի՝ պետք է ընդամենը գույք պահպաներ, ուրեմն ժողովուրդն ավելի մեծ իրավունքներ ունի»,- տեսանյութում ասել է Բունիաթյանը։

«Ժամը 3:30-ից հավաքվում ենք Ջերմուկի տաքսիների կանգառում և շարժվում ենք ԱՄՈՒԼՍԱՐԻ մեր պոստերը։

Մենք գնալու ենք մեր կանանց ու երեխաների հետ։

Ցանկացած սադրանք կամ բռնություն արժանանալու է կոշտ պատասխանի»,-հայտնել է Շիրակ Բունիաթյանը։