Գերմանիայում տեղի ունեցած պայթյունից հետո հինգ մարդ անհետ կորել է

Գերմանիայի Լևերկուզեն քաղաքում գտնվող ձեռնարկությունում պայթյունի հետևանքով մեկ մարդ է մահացել, ևս չորսը ծանր վիրավորվել են։ Հինգ աշխատակից համարվում է անհետ կորած, հայտնում է Bild-ը՝ հղում անելով քաղաքի շինարարության վարչության պետ Անդրեա Դեպպեին:

«Մենք պետք է հաղորդենք, որ, ցավոք, ունենք մեկ զոհ», - ասել է նա Die Welt-ին տված հարցազրույցում, գրում է թերթը:

Ոստիկանությունը դեռ չի մեկնաբանել այս տեղեկությունը:

Հաղորդվում է, որ պայթյունը տեղի է ունեցել թափոնների հեռացման կենտրոնում, որը ղեկավարում է Currenta ընկերությունը: