Իրանում խմելու ջրի խնդիրն օրհասական է, բողոքի ցույցեր ու քաղաքացիական անհնազանդության երթերը չեն դադարում

Իրանի հարավարևմտյան Խուզեստան նահանգում խմելու ջրի բացակայությունը հանգեցրել է իշխանությունների դեմ փողոցային գործողությունների, հայտնում է BBC-ին:

Մեկ շաբաթ է, ինչ խմելու ջրի խիստ պակասի պատճառով անցկացվում են բողոքի ցույցեր ու քաղաքացիական անհնազանդության երթեր: Ոստիկանությունը զենք է օգտագործում ցուցարարների դեմ: Ըստ որոշ հաղորդագրությունների՝ կան զոհեր:

Սոցիալական և կենցաղային մի շարք խնդիրներից դժգոհությունը տարածվում է ամբողջ հանրապետությունում:

ՄԱԿ-ը Իրանի իշխանություններին մեղադրել է ակցիաները դաժանորեն ճնշելու համար: Թեհրանն այդ լուրերը սուտ է որակել: