Volkswagen-ը հայտնվել է Կաքավաձոր թաղամասի պոմպակայանում գտնվող ջրատարում

Այսօր, օգոստոսի 18-ին, արտակարգ դեպք է տեղի ունեցել Կոտայքի մարզում։ Ժամը 10։00-ի սահմաններում Արտակարգ իրավիճակների նախարարության Փրկարար ծառայության 911 ճգնաժամային կառավարման կենտրոն ահազանգ է ստացվել, որ Կոտայքի մարզի Կաքավաձոր թաղամասի պոմպակայանի մոտ Volkswagen-ն ընկել է ջուրը և այն դուրս բերելու համար անհրաժեշտ է փրկարարների օգնությունը։ Այս մասին հայտնում է  shamshyan.com-ը:
Ժամանել են նաև ոստիկանության Հրազդանի բաժնի օպերատիվ խումբը՝ օրվա պատասխանատու հերթպահի գլխավորությամբ։  Պարզվել է, որ նշված ավտոմեքենան Volkswagen մակնիշի է, վարորդն էլ, ում ինքնությունը պարզվում է, հեռախոսով տեղեկացրել է, որ ինքը չի տուժել։