«Mercedes»-ը դուրս է եկել ճանապարհի երթևեկելի հատվածից և հայտնվել ջրատարի մեջ

Դեկտեմբերի 2-ին, ժամը 12։14-ին Տավուշի մարզային ճգնաժամային կառավարման կենտրոն տեղեկություն է ստացվել, որ Հաղարծին գյուղի մոտակայքում տեղի է ունեցել ՃՏՊ։ Այս մասին տեղեկանում ենք ԱԻՆ-ից։

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ «Mercedes-Benz C180» մակնիշի ավտոմեքենան (վարորդ` Դ. Մ., ծնված 1984 թ.) դուրս է եկել ճանապարհի երթևեկելի հատվածից և հայտնվել ջրատարի մեջ:

Փրկարարներն ավտոմեքենան դուրս են բերել երթևեկելի հատված։