Կասկադյորական ավտովթար՝ Ծաղկաձորում․ վարորդը եղել է ոչ սթափ վիճակում

Այսօր՝ փետրվարի 5-ին, կասկադյորական ավտովթար է տեղի ունեցել Կոտայքի մարզում։ Ժամը 01։20-ի սահմաններում Երևանի բնակիչ՝ 28-ամյա Ռաֆիկ Նուբարյանը իր վարած BMW մակնիշի ավտոմեքենայով Ծաղկաձոր քաղաքի Սարալանջի փողոցում՝ «Աղ ու հաց» ռեստորանային համալիրի մոտ, դուրս է եկել ճանապարհի երթևեկելի գոտուց և կողաշրջված վիճակում հայտնվել սելավատարում։ 

[388c05613627ae4dbcbe9c4e50541807.jpg]

Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդը քաղաքացիների օգնությամբ դուրս է բերվել ավտոմեքենայից և տեղափոխվել «Հրազդան» բժշկական կենտրոն։

[b5c1529db0da078fbb3a0d2463c0c292.jpg]

Օպերատիվորեն դեպքի վայր են ժամանել արտակարգ իրավիճակների նախարարության փրկարար ծառայության Հրազդանի թիվ 44 հրշեջ-փրկարարական ջոկատից 1 մարտական հաշվարկ։ 

[03c2e1aed84a91a11cf276bd50d6ad5d.jpg]

[152ed7f070b7832ddc0bc51f6baa248d.jpg]

Հրշեջ-փրկարարները հոսանքազրկել են ավտոմեքենան, այնուհետև վիրավորին մոտեցրել օպերատիվորեն ժամանած «Հրազդան» բժշկական կենտրոնի շտապօգնության ավտոմեքենային, որից հետո դարձի են բերել ավտոմեքենան։

[1603bdd3fbbea58b93403d999d1207a9.jpg]

[01456ac13bf317e836d81a360d754367.jpg]

Վարորդը ենթարկվել է սթափության փորձաքննության. նա եղել է ոչ սթափ։