ՌԴ-ի դեմ կկիրառվեն ամենախիստ պատժամիջոցները. Բայդեն

ԱՄՆ նախագահ Ջո Բայդենը խոստացել է Ռուսաստանի դեմ կիրառել ամենախիստ պատժամիջոցներն ու տնտեսական սահմանափակումները: 

Ամերիկացի առաջնորդը թվիթերյան իր էջում գրել է, որ Մեծ Յոթնյակի պետությունների մյուս ղեկավարների հետ հինգշաբթի օրը կայացած առցանց ձևաչափով հանդիպմանը համաձայնեցրել են հետագա գործողությունները, որոնք վերաբերում են Ուկրաինայի իրադարձությունների կապակցությամբ Ռուսաստանի դեմ պատժամիջոցների սահմանմանը:

Ջո Բայդենը Ուկրաինայում ռուսական հատուկ գործողությունն անվանել է «չարդարացված հարձակում»։ Բայդենը խոստացել է Ռուսաստանի դեմ կիրառել ամենախիստ պատժամիջոցներն ու տնտեսական սահմանափակումները։ «Մենք աջակցում ենք Ուկրաինայի խիզախ ժողովրդին»,- հավելել է ԱՄՆ նախագահը։