Բրազիլիան դուրս մնաց Աշխարհի առաջնությունից

Խորվաթիայի հավաքականը 11 մետրանոց հարվածաշարում հաղթեց Բրազիլիային Քաթարում ընթացող ԱԱ-2022-ի քառորդ եզրափակիչում։ Այս մասին գրում է Спорт- Экспресс-ը:

«Էդուքեյշն Սիթի» մարզադաշտում խաղի հիմնական ժամանակն ավարտվեց 0:0 հաշվով։ Լրացուցիչ ժամանակոււմ թիմերը փոխանակվեցին գոլերով՝ 1:1: Նախ 105+1 րոպեին Նեյմարը գոլի հեղինակ դարձավ, ապա 117-րդ րոպեին Բրունո Պետկովիչը հաշիվը ոչ-ոքի դարձրեց։

11 մետրանոց հարվածաշարում խորվաթ ֆուտբոլիստներն ավելի դիպուկ խաղացին 4:2:

Մրցաշարի կիսաեզրափակչում Խորվաթիան կխաղա Հոլանդիա-Արգենտինա հանդիպման հաղթողի հետ, որը կմեկնարկի Երևանի ժամանակով 23.00-ին։