«Մեզ մոտ իրավիճակը լարված է մնում». ի՞նչ է ասել Փաշինյանը Պուտինի հետ հանդիպման ժամանակ

ՀՀ վարչապետ Նիկոլ Փաշինյանը ՌԴ նախագահ Վլադիմիր Պուտինի հետ հանդիպման ժամանակ խոսել է Լեռնային Ղարաբաղում լարվածության աճի մասին:

«Մեզ մոտ իրավիճակը լարված է մնում. Լեռնային Ղարաբաղի կարգավորումը մնում է մեր տարածաշրջանի գլխավոր խնդիրը։ Ցավոք սրտի, մենք տեսնում ենք նաև ԼՂ-ում լարվածության աճ՝ ռուս խաղաղապահների պատասխանատվության գոտում», - ասել է Փաշինյանը։

Վարչապետը հիշեցրել է վերջերս Լաչինի միջանցքի փակման դեպքը։

«Լեռնային Ղարաբաղում այս կապակցությամբ մեծ մտահոգություններ կան։ Եվ ես հույս ունեմ, որ այսօր մենք կկարողանանք քննարկել տարածաշրջանային անվտանգության բոլոր հարցերը», - ասել է վարչապետը։