7,3 մագնիտուդով երկրաշարժ՝ Տաջիկստանում․ այն զգացվել է նաև Ղազախստանում և Ուզբեկստանում

Տաջիկստանում՝ Չինաստանի հյուսիսարևմտյան Սինցզյան-Ույղուրական ինքնավար շրջանի սահմանի մոտ 7,3 մագնիտուդով երկրաշարժ է գրանցվել, հայտնում է Չինաստանի սեյսմոլոգիական կենտրոնը։

Ստորգետնյա ցնցումները գրանցվել են 8.37-ին (Երևանի ժամանակով 4.37-ին): Սեյսմոլոգիական կենտրոնի տվյալներով՝ երկրաշարժի օջախը գտնվել է 10 կիլոմետր խորության վրա, իսկ էպիկենտրոնը գտնվել է Չինաստանի հետ սահմանից մոտ 82 կմ հեռավորության վրա։

Ղազախստանի ԱԻՆ-ից հայտնում են, որ երկու-երեք բալ ուժգնությամբ ցնցումներ են զգացվել նաեւ Ալմա-Աթայում։ Իր հերթին Ուզբեկստանի մայրաքաղաք Տաշքենդում երեքից չորս բալ ուժգնությամբ ցնցումներ են հայտարարել։

Բնակչության շրջանում ավերածությունների կամ զոհերի մասին տեղեկություններ դեռ չկան։