Ուկրաինայի ԶՈՒ գործողությունները միջուկային հարված են հրահրում․ Մեդվեդև

Մեծ հեռահարության արևմտյան հրթիռներով ռուսական արձակման կայանքները ոչնչացնելու Ուկրաինայի փորձերը կարող են հիմք հանդիսանալ միջուկային զենքի կիրառման համար։ Նման կարծիք է հայտնել ՌԴ Անվտանգության խորհրդի փոխնախագահ Դմիտրի Մեդվեդևը Telegram-ի իր ալիքում։ Տեղեկությունը փոխանցել է ՏԱՍՍ-ը։

Նրա խոսքով՝ այժմ Կիեւը կարծում է, որ «Ռուսաստանի դեմ պայքարի լավագույն մեթոդը Արեւմուտքի կողմից փոխանցված մեծ հեռահարության հրթիռների ոչնչացումն է»:

«Ի՞նչ է դա նշանակում։ Այո, միայն մեկ բան՝ նրանք (Ուկրաինայի իշխանությունները) ռիսկի են դիմում միջուկային զսպման ոլորտում Ռուսաստանի պետական քաղաքականության հիմունքների 119-րդ կետի գործողությանը, երբ սպառնալիքի տակ է դրված պետության գոյությունը»,- գրել է քաղաքական գործիչը։

Նա նշել է, որ ռուսական արձակման կայանքներին հարվածներ հասցնելը «ինքնապաշտպանության ոչ մի իրավունք չէ», այլ Մոսկվայի կողմից Կիևի դեմ միջուկային զենք օգտագործելու ուղղակի և ակնհայտ հիմք:

«Այդ մասին պետք է հիշեն Հիտլերի, Մուսոլինիի, Պետենի եւ այլոց բոլոր ժառանգները ներկայիս Եվրոպայում, որոնք աջակցում են Կիեւում նացիստներին», - հավելել Է Մեդվեդեւը։