Պատգամավորի և ոստիկանների միջև տեղի ունեցած միջադեպից հետո ծառայողի լիազորությունները դադարեցվել են

Ոստիկանության ծառայողի լիազորությունները դադարեցվել են։ Այս մասին հայտարարություն են տարածել ՆԳՆ-ից։ 

«Մայիսի 27-ին մայրաքաղաքի Հանրապետության փողոցում ԱԺ պատգամավորի և ոստիկանների միջև տեղի ունեցած միջադեպի առնչությամբ ՆԳՆ ներքին անվտանգության և հակակոռուպցիոն վարչությունում նշանակվել էր ծառայողական քննություն, ինչի արդյունքում դադարեցվել են ոստիկանության ծառայողի լիազորությունները»,-ասվում է հայտարարության մեջ։

Ավելի վաղ հայտնել էինք, որ Երևանի ՀՅԴ գրասենյակի մոտ ոստիկանները ուժ կիրառելով բերման են ենթարկել ԱԺ պատգամավոր Աշոտ Սիմոնյանին։ Հրապարակված կադրերում երևում է` ինչպես են մոտ երկու տասնյակ ոստիկանների շրջափակել Սիմոնյանին, որոնցից 1–2–ը հարվածում են պատգամավորին, քաշքշում։