Ալավերդու Դեբեդ թաղամասում վերականգնվել է հոսանքը. պատգամավոր

Ալավերդու Դեբեդ թաղամասում վերականգնվել է էլեկտրամատակարարումը։ Առաջիկա օրերին կվերականգնվի ջրամատակարարումը։ Ալավերդիում էլեկտրաէներգիայի խնդիր ունի միայն Սանահին կայարանը։ Այս մասին «Ֆեյսբուք»-ի իր էջում գրել է ԱԺ «Քաղաքացիական պայմանագիր» խմբակցության պատգամավոր Արեն Մկրտչյանը։

Նա նշել է, որ Ախթալայում և Ալավերդու մի շարք թաղամասերում երեկ վերականգնվել է գազամատակարարումը։ Կապի խնդիրները նույնպես հիմնականում կարգավորված են։

«Վեոլիա Ջրի, ՀԷՑ-ի և Գազպրոմի մասնագետները տեղում, հաճախ վտանգավոր վայրերում հսկայածավալ և օպերատիվ աշխատանք են կատարում»,-նշել է նա։