Ֆիցոյին հիվանդանոցից տեղափոխել են տուն՝ հետագա ապաքինման համար

Սլովակիայի վարչապետ Ռոբերտ Ֆիցոյին Բանսկա Բիստրիցայի հիվանդանոցից, որտեղ նա գտնվում էր մայիսի կեսերից մահափորձից հետո, տեղափոխել են ոչ թե մեկ այլ բժշկական հաստատություն, այլ Բրատիսլավայի իր տուն, հաղորդում է սլովակական Dennik N հրատարակությունը:

«Վարչապետ Ռոբերտ Ֆիցոն տեղափոխվել է Բանսկա Բիստրիցայի հիվանդանոցից, նա կվերականգնվի տանը, այլ ոչ թե հիվանդանոցում», – ասվում է պորտալում:

Բուժհաստատության ղեկավարությունը հաստատել է այն փաստը, որ Ֆիցոն լքել է հիվանդանոցը, ուր մայիսի 15-ին նրան տեղափոխել են մի քանի հրազենային վնասվածքներով, պարզաբանում է հրապարակումը։