Թել Ավիվում հազարավոր իսրայելցիներ պահանջում են ազատ արձակել Գազայում 8 ամիս շարունակ պահվող պատանդներին

Հազարավոր ակտիվիստներ շաբաթ երեկոյան հավաքվել են Թել Ավիվի կենտրոնում՝ պահանջելով արտահերթ ընտրություններ անցկացնել և անհապաղ գործարք կնքել Գազայի հատվածում գրեթե ութ ամիս պահվող իսրայելցի պատանդների ազատ արձակման համար, հայտնում է РИА Новости-ի թղթակիցը։

Բողոքի ակցիան, որը դարձել է շաբաթական, տեղի է ունենում կառավարական շենքերի համալիրի մոտ, որտեղ, մասնավորապես, գտնվում է ՊՆ շտաբը։

Դեպքի վայրում են շտապօգնության բրիգադները և ոստիկանության մեծ ուժերը, որոնք արգելափակում են երթևեկությունը քաղաքի կենտրոնում և արգելքներ են ստեղծում՝ փակելով հարևան մայրուղիները կանխելու համար հնարավոր անկարգությունները, որոնք մի քանի անգամ տեղի է ունեցել վերջին շաբաթների ընթացքում: