Հնարավոր է անձրև, ամպրոպ, քամու ուժգնացում․ եղանակն առաջիկայում

Հայաստանի Հանրապետության տարածքում հունիսի 3-ին սպասվում է առանց տեղումների եղանակ։ Քամին՝ հարավարևելյան՝ 2-4մ/վ։ Այս մասին հայտնում են Հիդրոօդերևութաբանության և մոնիտորինգի կենտրոնից։

Օդի ջերմաստիճանը հունիսի 3-6-ին աստիճանաբար կբարձրանա 4-6 աստիճանով։

Երևանում հունիսի 3-6-ը սպասվում է առանց տեղումների եղանակ։ Հունիսի 7-ին երեկոյան ժամերին հնարավոր է կարճատև անձրև և ամպրոպ, ամպրոպի ժամանակ՝ քամու ուժգնացում՝ 16-20մ/վ արագությամբ։

Մայրաքաղաքում օդի երմաստիճանը կլինի այսօր ցերեկը 29-31, երեկոյան՝ 23-25 աստիճան։