ՏԵՍԱՆՅՈՒԹ. Հույն հրշեջները չեն կարողանում կանգնեցնել Ատտիկայում բռնկված հզոր հրդեհը

Հունական Աթենքից ոչ հեռու հզոր անտառային հրդեհներ են բռնկվել։ Բնական աղետի դեմ Օգոստոսի 12-ի գիշերը պայքարել են քաղաքացիական պաշտպանության ուժերը։ Այս մասին հայտնել են Հունաստանի հրշեջ ծառայությունից։

«Չնայած գերմարդկային ջանքերին, կրակը արագ զարգացավ», – ասվում է հայտարարության մեջ:

Նշվում է, որ մի շարք բնակավայրերի բնակիչներ ստիպված են եղել տարհանվել:

Հրդեհաշիջմանը մասնակցում են 510 հրշեջ, 16 անտառտնտեսական բրիգադ և 152 տրանսպորտային միջոց, ինչպես նաև մեծ թվով կամավորներ: Բացի այդ, նախատեսվում է ներգրավել 29 ինքնաթիռ։

Հրշեջ ծառայությունը կոչ է արել տեղի բնակիչներին հետևել իշխանությունների ցուցումներին, քանի որ առաջիկա ժամերին սպասվում է հրդեհների ուժեղացում: