Ով է ստանձնել Նեթանյահուի տան վրա հարձակման պատասխանատվությունը

Հեզբոլլահը ստանձնել է Նեթանյահուի տան վրա հարձակման պատասխանատվությունը:

Լիբանանյան «Հեզբոլլահ» խմբավորումը ստանձնել է հոկտեմբերի 19-ին Իսրայելի վարչապետ Բենյամին Նեթանյահուի տան վրա հարձակման պատասխանատվությունը:

Այս մասին հայտարարել է շարժման մամուլի ծառայության ղեկավար Մոհամադ Աֆիֆը:

«Մենք մեզ վրա ենք վերցնում Կեսարիայում Նեթանյահուի դեմ ուղղված գործողության ողջ պատասխանատվությունը», - ասել է նա:

Հիշեցնենք, որ հոկտեմբերի 19-ի առավոտյան Կեսարիայում Նեթանյահուի նստավայրը հարձակման է ենթարկվել լիբանանյան անօդաչու թռչող սարքերի կողմից:

Վարչապետի գրասենյակի տվյալներով ՝ միջադեպի հետևանքով ոչ ոք չի տուժել: