Փաստաթուղթը միշտ էլ վտանգված է. Ալեն Սիմոնյան

Ադրբեջանի կողմից խաղաղության համաձայնագրից հրաժարվելու հնարավորությունը պահպանվում է, քանի դեռ այն չի ստորագրվել։ Այս մասին հայտնել է ԱԺ Նախագահ Ալեն Սիմոնյանը` խորհրդարանում պատասխանելով լրագրողների հարցերին։

«Մինչև չստորագրվի, մինչև այն ձեռքներիս չէ, միշտ էլ վտանգված է։ Նույնիսկ եթե այնտեղից հայտարարեն, որ «ինչ լավ է, մենք շատ ուրախ ենք, եկեք ստորագրենք», սակայն ստորագրման օրն ու ժամը հայտնի չլինեն, փաստաթուղթը միշտ էլ վտանգված է»,- ասել է Սիմոնյանը։

Միաժամանակ նա ընդգծել է` տեքստի շուրջ բանակցություններն ավարտվել են, այն հաստատվել է և փոփոխման ենթակա չէ: