Ոսկու գինն առաջին անգամ գերազանցել է մեկ ունցիայի դիմաց 3200 դոլարը

Ոսկու գինը պատմության մեջ առաջին անգամ գերազանցել է մեկ ունցիայի դիմաց 3200 դոլարը։ Ոսկու շուկան աճեց այն բանից հետո, երբ ԱՄՆ նախագահ Դոնալդ Թրամփը հայտարարեց ներմուծման նոր մաքսատուրքերի մասին։ Ներմուծման համար սահմանվել է նվազագույնը 10% մաքսատուրք, իսկ որոշ երկրների նկատմամբ մաքսատուրքերը հասնում են 50%-ի։

Սա մտավախություն է առաջացրել, որ ԱՄՆ-ի գործողությունները կարող են հանգեցնել համաշխարհային տնտեսության դանդաղման, գրում է Bloomberg-ը։ Արդյունքում, ներդրողները շտապեցին դեպի ապահով ակտիվներ, ներառյալ ոսկին, ինչը թանկացրեց թանկարժեք մետաղի գինը:

Հիշեցնենք, որ ապրիլի 2-ի առքուվաճառքի արդյունքում ոսկու գինը կազմել է 3166,2 դոլար՝ 0,64%-ով բարձր նախորդ օրվա մակարդակից։