ՆԳՆ-ի պարզաբանումը՝ «Դվին» -ի մոտակայքում տեղի ունեցած կրակոցների վերաբերյալ

Այսօր Auroranews-ը հղում անելով shamshyan.com-ին հայտնել էր, որ ապրիլի 10-ին Երևանում կրակոցներ են հնչել  «Դվին» հյուրանոցային համալիրում։ Վերջինս հայտնում էր, որ  վնասվել է «Դվին» հյուրանոցային համալիրին պատկանող «Ֆյուչր Թասեր» մասնաշենքի 10-րդ հարկի 2 ֆասադային պատուհանները:

Ներքին գործերի նախարարությունից Auroranews-ին պարզաբանեցին, որ նշված համալիրի հարակից բնակելի շենքի 10-րդ հարկի պատուհաններից մեկի վրա՝ ըստ նախնական տեղեկությունների, հայտաբերվել են օդաճնշիչ հրացանից արձակված կրակոցի հետքեր:

Նախաձեռնվել է քրեական վարույթ՝ խուլիգանության հատկանիշներով: