Ռուս գեներալի սպանության մեջ մեղադրվողը ձերբակալվել է Թուրքիայում․ ՌԴ ԱԴԾ

Թուրքիայում ձերբակալվել և Մոսկվա է տեղափոխվել ուկրաինական հատուկ ծառայությունների գործակալ Իգնատ Կուզինը, ով մեքենայում ռումբ էր տեղադրել, որի պայթյունից սպանվել էր գեներալ-լեյտենանտ Յարոսլավ Մոսկալիկը: Այս մասին հայտնել է ՌԴ ԱԴԾ-ն։

Նշվում է, որ պայթուցիկ սարքը գործարկվել է Ուկրաինայի տարածքից։

Ավելի վաղ հաղորդվել էր, որ Ռուսաստանի Դաշնության զինված ուժերի գլխավոր շտաբի գլխավոր օպերատիվ վարչության պետի տեղակալ, գեներալ-լեյտենանտ Յարոսլավ Մոսկալիկի սպանությունն իրականացրած անձն ապրել է նրա հետ նույն շենքում:

Հիշեցնենք, որ ՌԴ ԶՈւ գլխավոր շտաբի պետի տեղակալ Յարոսլավ Մոսկալիկը մահացել էր մերձմոսկովյան Բալաշիխայում ավտոմեքենայի պայթյունի հետևանքով։ Նա այդ պահին անցնում էր դեպքի վայրի կողքով։