Խաղաղ օվկիանոսի տարածաշրջանի բնակավայրերում տարհանումները սկսվել են

Կամչատկա թերակղզու ափերից 119 կմ հեռավորության վրա, գրանցված 8.8 մագնիտուդ ուժգնությամբ երկրաշարժից հետո, ալիքները հեղեղել են Սևերո-Կուրիլսկ քաղաքի նավահանգիստը, վնասել շենքեր և վնասել նավեր։

Ռուսաստանի իշխանությունները հաղորդում են մի քանի տուժածի մասին:

Ցունամիի ահազանգներ և տարհանումներ են հայտարարվել Հավայան կղզիներում, Ճապոնիայում և այլ երկրներում։ Հավայան կղզիների ափերին արդեն գրանցվել են 1 մետրից բարձր ալիքներ, թռիչքները Մաուի կղզի ժամանակավորապես դադարեցվել են։

Ճապոնիայում տարհանվել են տասնյակ հազարավոր մարդիկ, այդ թվում՝ Ֆուկուսիմայի ատոմակայանի աշխատակիցները։ Մինչ այս պահը գրանցված ամենամեծ ալիքը եղել է 1.3 մետր։

Երկրաշարժի հետցնցումները շարունակվում են, ամենաուժեղը եղել է 6.9 մագնիտուդով։ Ռուս գիտնականները նշում են, որ սա տարածաշրջանում ամենաուժեղ երկրաշարժն է՝ 1952 թվականից ի վեր։

Տարածաշրջանը գտնվում է Խաղաղ օվկիանոսի «կրակի օղակում», որտեղ հաճախ են տեղի ունենում երկրաշարժեր և հրաբխային ժայթքումներ։

Հիշեցնենք՝ ավելի վաղԱՄՆ նախագահ Դոնալդ Թրամփը հայտարարել էր, որ Հավայան կղզիների բնակիչներին զգուշացրել են ցունամիի մասին՝ կապված Խաղաղ օվկիանոսում տեղի ունեցած հզոր երկրաշարժի հետ: