Քիշնևի օդանավակայանում իրարանցում է հնարավոր պայթուցիկի պատճառով. մանրամասներ

Քիշնևի Եվգենի Դոգիի անվան միջազգային օդանավակայանում հայտնաբերել են ուղեբեռ, որում, ենթադրաբար, պայթուցիկ սարք կա: Այս մասին  հայտնում է օդանավակայանի մամուլի ծառայությունը:

Ուղևորներն ու օդանավակայանի անձնակազմը տարհանվել են, իսկ սահմանապահ ոստիկանության և ՆԳՆ հատուկ ստորաբաժանման աշխատակիցները օպերատիվորեն ժամանել են դեպքի վայր:

«Մենք խորհուրդ ենք տալիս այն ուղևորներին, ովքեր այսօր թռիչք ունեն, ստուգել թռիչքի կարգավիճակը օդանավակայանի առցանց ցուցատախտակի վրա: Մենք կվերադառնանք մանրամասներով, քանի որ ստուգումներ են իրականացվում»,- ասվում է հաղորդագրության մեջ: