Օրբանը խնդրել է Հռոմի պապին աջակցել Հունգարիայի ջանքերին

Հունգարիայի վարչապետ Վիկտոր Օրբանը հայտնել է, որ հանդիպել է Հռոմի Պապ Լևոն XIV-ի հետ և խնդրել աջակցել Ուկրաինայում խաղաղության հաստատման ուղղությամբ իր երկրի նախաձեռնություններին։ Այդ մասին նա գրել է Facebook-ում՝ հրապարակելով լուսանկարներ հանդիպումից։

«Աշխարհում գոյություն ունի հակապատերազմական ցանց, որի հոգևոր կենտրոնը Սուրբ Հայրն է։ Այսօր խնդրեցի Նորին Սրբությանը, որ Վատիկանը շարունակի աջակցել Հունգարիայի խաղաղարար ջանքերին»,– գրել է Օրբանը։

Նշվում է, որ Հունգարիայի կառավարության ղեկավարի այցի շրջանակում նախատեսված է նաև հանդիպում Իտալիայի վարչապետ Ջորջիա Մելոնիի հետ՝ եվրոպական անվտանգության և տարածաշրջանային քաղաքականության հարցերը քննարկելու նպատակով։