Վարդան Ղուկասյանի ազգականը՝ Գևորգ Ղուկասյանը, վայր է դրել ավագանու մանդատը

Գյումրու քաղաքապետ Վարդան Ղուկասյանի եղբոր թոռը՝ Գևորգ Ղուկասյանը, որը ներկայումս գտնվում է կալանքի տակ, հրաժարվել է Գյումրու ավագանու անդամի մանդատից։ Տեղեկությունը հաստատում են Գյումրու համայնքապետարանից։

Հիշեցնենք, որ Գևորգ Ղուկասյանը բերման է ենթարկվել և կալանավորվել այն օրը, երբ Գյումրու համայնքապետարանում իրականացվում էին քննչական գործողություններ։

Նույն քրեական գործի շրջանակում կալանավորվել են նաև Գյումրու քաղաքապետ Վարդան Ղուկասյանը և ավագանու «Կոմունիստական կուսակցություն» խմբակցության ևս երկու անդամներ։ Գևորգ Ղուկասյանը նրանցից մեկն է։