Եվրամիությունը Հայաստանին կհատկացնի 5 մլն եվրո

Եվրոպական հանձնաժողովը Հայաստանին կտրամադրի 5 միլիոն եվրո՝ միջուկային անվտանգության և ճառագայթային պաշտպանության համակարգերի ամրապնդման նպատակով։ Ֆինանսավորման համաձայնագրի նախագիծը հաստատվել է Հայաստանի կառավարության կողմից։

Նախաձեռնությունը ներառում է երկու հիմնական ուղղություն՝ Հայկական ատոմային էլեկտրակայանի անվտանգության մակարդակի բարձրացում և միջուկային անվտանգության կարգավորող կառույցների կարողությունների զարգացում։ Աջակցություն կտրամադրվի նաև «Միջուկային ու ռադիացիոն անվտանգության գիտատեխնիկական կենտրոնին»։

Ծրագիրը նպատակ ունի նպաստել Հայաստանի միջուկային ոլորտում միջազգային ստանդարտներին համապատասխան կառավարման և վերահսկողության համակարգերի կատարելագործմանը՝ ապահովելով ոլորտի կայուն և անվտանգ զարգացում։