ՔԿ-ն՝ Նաթան սրբազանի հեռախոսազրույցի գործի մասին

ՀՀ քննչական կոմիտեն որոշել է չնախաձեռնել քրեական վարույթ Նաթան սրբազանի հեռախոսազրույցի գաղտնիությունը խախտելու մասով։ Տեղեկությունը Auroranews.am-ին հայտնել է կոմիտեի մամուլի խոսնակ Կիմա Ավդալյանը։

«Երեք հաղորդումների վերաբերյալ կազմվել է վարույթ չնախաձեռնելու արձանագրություն, որը ուղարկվել է հսկող դատախազի հաստատմանը»,– նշել է Ավդալյանը։

Հիշեցնենք, որ օրեր առաջ համացանցում հրապարակվել էր ձայնագրություն, որտեղ ենթադրաբար նախկին քահանա և կաթողիկոսի նախկին գավազանակիր Աղան Երնջակյանը դժգոհում էր, թե Ամենայն հայոց կաթողիկոս Գարեգին Բ-ն իրեն ստիպում է մասնակցել հակաիշխանական ցույցերի։

Հավելենք՝ աղմկահարույց ձայնագրության հիմքով նախկինում հարուցվել էր քրեական վարույթ։