Փաշինյանը խոսել է Եկեղեցու բարոյական նորոգման մասին

Վարչապետ Նիկոլ Փաշինյանը տեսանյութ է հրապարակել՝ վերնագրելով այն «Ուղերձ նրանց, ովքեր մտածում և/կամ պատրաստվում են այսօր գալ Հովհաննավանք», որտեղ անդրադարձել է Հայաստանյայց Առաքելական Սուրբ Եկեղեցու բարոյական և հոգևոր նորոգման թեմային։

«Մեզնից յուրաքանչյուրը հասկանում է, որ Հայաստանյայց Առաքելական Սուրբ Եկեղեցու հոգևոր և բարոյական նորոգման օրակարգը նախ և առաջ մեզնից յուրաքանչյուրի հոգևոր և բարոյական նորոգման օրակարգն է»,- նշել է Փաշինյանը։

Վարչապետը հավելել է, որ «Մեր Սրբության սրբոցը Կտրիճ Ներսիսյանից և նրա խմբակից ազատելուց առաջ մենք պետք է հոգևոր և բարոյական իմաստով արժանի լինենք մեր սրբության սրբոցին՝ Մայր Աթոռ Սուրբ Էջմիածնին»։