Թալանել են հայտնի գործարարի ֆինբաժնի տնօրենի տունը. Գողոնը մոտ 40 հազար դոլար է

Հունվարի 14-ին՝ ժամը 01:10-ի սահմաններում, ոստիկանության Մաշտոցի բաժին ահազանգ է ստացվել Ալիխանյան եղբայրներ փողոցի բնակիչ, 53-ամյա Սմբատ Շահինյանի կողմից, ով հայտնել է, որ հունվարի 13-ի ժամը 13:30-ից մինչև հունվարի 14-ի ժամը 01:00-ն ընկած ժամանակահատվածը, անհայտ անձը կամ անձինք իր տան առաջին հարկի դռան ճաղավանդակը կոտրելու միջոցով ներս են մտել և տունը տակնուվրա արել ու այնտեղից թալանել ոսկյա, արծաթյա զարդեր, գումար և կենցաղային իրեր: SHAMSHYAN.com-ի տեղեկություններով՝ գողոնը կազմում է մոտ 40 հազար ԱՄՆ դոլար, իսկ բնակարանը պատկանում է «Վլադ Հակոբյանի անվան համակցված կերերի գործարան» ՓԲԸ-ի ֆինբաժնի տնօրենին: Ոստիկանությունն ու քննչական բաժինը ձեռնարկում են անհրաժեշտ օպերատիվ և քննչական համատեղ գործողություններ՝ հանցագործությունը բացահայտելու ուղղությամբ: