Սանահինի գավթից մետաղապլաստե կրպակն ապամոնտաժվել է

Սանահին վանական համալիրի գավթից մետաղապլաստե կրպակն ապամոնտաժված է։ Այս մասին հայտնել է մշակույթի փոխնախարար Տիգրան Գալստյանն իր ֆեյսբուքյան էջում։ Ավելի վաղ Յաշա Սոլոմոնյանն իր ՖԲ էջում լուսանկար էր հրապարակել, որտեղ նշվում էր, որ Սանահինի վանական համալիրի Սուրբ Ամենափրկիչ եկեղեցու գավիթում նոր խցիկ է տեղադրվել։ Նորանշանակ վանահոր պնդումները, թե խցիկը ժամանակավոր է և տեղադրվել է առանց եկեղեցուն վնաս հասցնելու, չէին հանդարտեցրել կրքերը։ Հիշեցնենք, որ Սանահինի վանական համալիրը գտնվում է Լոռու մարզի Ալավերդի քաղաքի Սանահին թաղամասում, Դեբեդ գետի աջափնյա բարձրադիր սարավանդի վրա: Վանական համալիրի առաջին՝ Սուրբ Աստվածածին եկեղեցին կառուցվել է 10-րդ դարի 30-40-ական թվականներին: Հաղպատի վանքի հետ միասին հանդիսանում է ՅՈՒՆԵՍԿՕ–ի համաշխարհային ժառանգության օբյեկտ: