Երևան-Սևան ճանապարհի պայթյունի փաստի առիթվ հարուցվել է քրգործ սպանության փորձի և ապօրինի զենք ձեռք բերելու հատկանիշներով

Երևան-Սևան ավտոճանապարհին տեղի ունեցած պայթյունի փաստի առթիվ հարուցվել է քրեական գործ:

«Տեղի ունեցած դեպքի վերաբերյալ հարուցվել է քրեական գործ ՀՀ ՔՕ-ի 34–104 –րդ հոդվածի 2–րդ մասի 6–րդ կետի հատկանիշներով, որը սահմանում է շատերի կյանքի համար վտանգավոր եղանակով սպանության փորձը և ՔՕ 235 –րդ հոդվածի 1–ին հատկանիշներով, որը սահմանում է ապօրինի կերպով զենք–զինամթերք ձեռքբերելը, պահելը»,-Tert.am-ի հետ զրույցում հայտնեցին Քննչական կոմիտեից, նշելով, որ դեպքի վայրում աշխատում են քննիչները:

Հիշեցնենք, որ ավելի վաղ հայտնել էինք որ Երևան-Սևան ճանապարհի շշերի գործարանի հատվածում պայթյուն է եղել ինչի հետևանքով երկու մեքենա վնասվել է, վնասվել է նաև ճանապարհահատվածի ասֆալտը: