Վենեսուելայում ավիավթար է տեղի ունեցել. օդանավում գտնված բոլոր անձինք զոհվել են

Վենեսուելայի մայրաքաղաք Կարակասից քիչ հեռու ավիավթար է տեղի ունեցել: Beechcraft 100 King Air օդանավը Կարակասի օդանավակայան մտնելիս վթարի է ենթարկվել: Վենեսուելայի գլխավոր դատախազը հայտնել է, որ օդանավում գտնված 9 անձինք զոհվել են: Այս մասին հայտնում է noticiasbarquisimeto.com-ը: 

Նշվում է, որ օդանավի անձնակազմը կորցրել է հաղորդակցությունը օդանավակայանից 5 մղոն հեռավորության վրա, որտեղ էլ տեղի է ունեցել ավիավթարը: