ժողովրդին հայտնի «Զոդի մոստ»-ի մոտ խոշոր վթար է տեղի ունեցել

Երեկ՝ դեկտեմբերի 19-ին, խոշոր ավտովթար է տեղի ունեցել Արարատի մարզում։ Ժամը 11։00-ի սահմաններում Արարատ-Երասխ ավտոճանապարհի՝ Ոսկու կորզման ֆաբրիկայի Բանավանի 1-ին կմ հատվածում բախվել են Արմաշ գյուղի բնակիչներ՝ 41-ամյա Ռոմեո Թևանյանի վարած Opel Astra մակնիշի 27 ՍՍ 846 համարանիշի և 32-ամյա Գոռ Պետրոսյանի վարած ВАЗ 2107 մակնիշի 66 GP 996 համարանիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, բախման հետևանքով «07»-ը գլխիվայր շրջվել է։ Վթարի հետևանքով «07»-ի ուղևոր՝ Արմաշ գյուղի բնակիչ, 56-ամյա Մելանյա Սիմոնյանը մարմնական վնասվածքներով տեղափոխվել է «Արարատ» բժշկական կենտրոն։