Վանաձոր-Ալավերդի ճանապարհին բռնկված հրդեհը մեկուսացվել է. աշխատանքները մթության պատճառով դադարեցվել են

Դեկտեմբերի 25-ին, ժամը 03:35-ից հրդեհաշիջման աշխատանքները վերսկսելու նպատակով դեպքի վայր է մեկնել 42 հրշեջ-փրկարար:

Տարածքի հետախուզություն իրականացնելու նպատակով դեպքի վայր է մեկնել նաև Լոռու մարզային փրկարարական վարչության օպերատիվ խումբը Ռուս-հայկական մարդասիրական արձագանքման կենտրոնի մասնագետների հետ:

Հրդեհը մեկուսացվել է ժամը 17։44-ին։ Այրվել է 30 հա անտառային և 40 հա խոտածածկ տարածք։

Ժամը 17։50-ին մթության պատճառով հրդեհաշիջման աշխատանքները դադարեցվել են:

Հիշեցնենք, որ դեկտեմբերի 24-ին, ժամը 09:33-ին «911» ծառայություն տեղեկություն է հաղորդվել, որ Վանաձոր-Ալավերդի ավտոճանապարհի 15-րդ կմ-ից հարավ ընկած անտառային հատվածում հրդեհ էր բռնկվել։