ՀՐԱՏԱՊ. Իրաքում ամերիկյան բազաները հրթիռակոծվել են

Իրաքի Ալ-Անբար նահանգում ամերիկյան բազային հարվածել են տասնյակ բալիստիկ հրթիռներով։ Այս մասին հաղորդում է Իրանի պետական ԻՌՆԱ լրատվական գործակալությունը՝ վկայակոչելով Իսլամական հեղափոխության պահապանների կորպուսի հասարակայնության հետ կապերի դեպարտամենտը։ 

Իրավիճակը շարունակվում է սրվել: Իսլամական հեղափոխության պահապանների կորպուսը զգուշացրել է ԱՄՆ-ին, որ նրանք պատասխան միջոցառումներ չձեռնարկեն, հակառակ դեպքում «կբախվեն ավելի ցավոտ և ավերիչ արձագանքի»: 

Իսլամական հեղափոխության պահապանների կորպուսը, որը մի քանի ժամ առաջ բալիստիկ հրթիռներով հարվածել է Իրաքում ամերիկյան բազաներին, սպառնացել է վրեժխնդիր լինել բոլոր երկրներից, որոնք կհամարձակվեն իրենց օդային տարածքը տրամադրել ամերիկացիներին։