Բելառուսը հրաժարվել է կորոնավիրուսի ռուսական թեստեր գնելուց

Բելառուսի իշխանությունները հրաժարվել են կորոնավիրուսի հայտնաբերման համար նախատեսված ռուսական արտադրության թեստեր գնելուց։ Նախ՝ բանակցությունները չեն հաջողվել, ապա Բելառուսն ուղղակի հրաժարվել է գնումից։ Այս մասին հայտնում է ռուսական Gazeta.ru կայքը։ 

«Մենք 30 հազար թեստեր գնելու համար բանակցում էինք ռուսական երկու ընկերությունների հետ, բայց այդ բանակցությունները մտան փակուղի։ Իսկ հիմա մեզ այդ թեստերն այլևս հարկավոր էլ չեն», – հայտարարել է Բելառուսի արտաքին գործերի նախարար Վլադիմիր Մակեյը։ 

Նա նշել է, որ իրենց մոտ արդեն սկսվել է թեստերի ինքնուրույն արտադրություն, իսկ մինչ արտադրանքի թողարկումն էլ իրենք արդեն 50 հազար թեստ են ստացել այլ երկրներից։