ՀՀ քաղաքացիների համար չեղարկվում են ԵՄ և Շենգենյան գոտու տարածք մուտք գործելու սահմանափակումները

Եվրախորհուրդը Հայաստանը ներառել է այն երկրների ցանկում, որի քաղաքացիների համար չեղարկվելու են կորոնավիրուսով պայմանավորված սահմանափակումները ԵՄ և Շենգենյան գոտու տարածք:  ԵՄ որոշումն ուժի մեջ կմտնի մինչև շաբաթվա վերջ: 

Հայաստանից բացի ցուցակում ներառվել են նաև Ադրբեջանը, Բոսնիա և Հերցեգովինան, Բրունեյը, Կանադան, Կատարը, Հորդանանը, Կոսովոն, Մոլդովան, Մոնտենեգրոն, Սաուդյան Արաբիան: 

ԵՄ «ապահով» երկրների ցանկը թարմացվում է ամեն շաբաթ՝ կապված տարբեր երկրներում կորոնավիրուսով պայմանավորած էպիդեմիոլոգիական վիճակի հետ: 

Ցուցակից դուրս է մնացել Միացյալ Թագավորությունը, քանի որ դրա տարածքում լայնորեն սկսել է տարածվել կորոնավիրուսի «Դելտա» շտամը: