Բանգլադեշում կայծակի հետևանքով հարսանեկան արարողության մասնակից16 մարդ մահացել է

Բանգլադեշում առնվազն 16 մարդ է մահացել հարսանիքի ժամանակ կայծակի հարվածի հետևանքով: Այս մասին հայտնում է «ՌԻԱ Նովոստի»-ն` հղում անելով տեղի աղբյուրին:

Ինչպես հաղորդվում է, միջադեպը տեղի է ունեցել չորեքշաբթի ցերեկը երկրի հյուսիսային Շիբգանջ շրջանում, որտեղ հարսանիքի հյուրերը նավակով զբոսնելիս են եղել Պադմա գետում:

Տեղի ոստիկանության տվյալներով` առնվազն վեց մարդ տուժել է: Նրանք հոսպիտալացվել են տեղի հիվանդանոցներ: Իշխանությունները չեն բացառում, որ զոհերի թիվը կարող է աճել: