Ռուսական բանակը շուտով Ս500 հրթիռային նորագույն համակարգ կունենա. Պուտին

ՌԴ բանակը շուտով Ս500 հրթիռային նորագույն համակարգ կունենա: Այս մասին հայտնում է РИА Новости-ն՝ հղում տալով երկրի նախագահ Վլադիմիր Պուտինի հայտարարությանը։
 

«Առաջիկա տարիներին զորքերին կմատակարարվեն ավելի քան 200 թռչող սարքեր ու 26 Ս350 և Ս400 զենիթահրթիռային համալիրներ, ինչպես նաև Ս500 հրթիռային նորագույն համակարգի առաջին սերիական նմուշը», - ասել է Պուտինը պաշտպանության նախարարության ղեկավարության ու ռազմաարդյունաբերական համալիր ներկայացուցիչների հետ խորհրդակցության ժամանակ:

Պուտինը նաև ընդգծել է, որ Սոչիում ռազմական խորհրդակցությունների ձևաչափը թույլ է տալիս համակողմանի վերլուծել Ռուսաստանի պաշտպանունակության վիճակն ու անհրաժեշտության դեպքում ժամանակին շտկել բանակի ու նավատորմի արդիականացման ծրագրերը: