Ահազանգ է ստացվել, որ «Զվարթնոցի» որոշ հատված ականապատված է

 Քիչ առաջ ահազանգ է ստացվել ՀՀ ոստիկանության օպերատիվ  կառավարման և Արտակարգ իրավիճակների նախարարության փրկարար ծառայության ճգնաժամային կառավարման կենտրոններ, որ «Զվարթնոց» միջազգային օդանավակայանի տարածքի որոշ հատվածներ ականապատել են: 

Ինչպես հայտնում է shamshyan.com-ը,  այս պահին օդանավակայան են ժամանում  «Զվարթնոց»  օդանավակայանի ոստիկանության բաժնի ծառայողները, պարեկային  ոստիկանության Երևանի գնդի և ԱԻՆ ՓԾ ճգնաժամային կառավարման կենտրոնի օպերատիվ խումբը:   Այս պահին տարածքում ուժեղացված ծառայություն են կատարում ՀՀ ոստիկանության պարեկային ծառայության Երևանի գնդի պարեկները: Արդեն ժամանել են ԱԻՆ ՓԾ 1 մարտական հաշվարկ, ԱԻՆ-ի ինժեներական ջոկատն ու կինոլոգիական խումբը: