Ստամբուլում մեկնարկել են ՌԴ-ի, Ուկրաինայի, Թուրքիայի և ՄԱԿ -ի ներկայացուցիչների բանակցությունները

 Ստամբուլում Թուրքիայի, Ռուսաստանի, Ուկրաինայի ռազմական պատվիրակությունների եւ ՄԱԿ-ի ներկայացուցիչների միջեւ հացահատիկի խնդրի կարգավորման շուրջ բանակցություններ են սկսվել, իշխանությունները չեն հայտնում հանդիպման վայրը, այն անցկացվում է մամուլի համար փակ դռների հետեւում, գրում է «ՌԻԱ Նովոստին»։

Ավելի վաղ դիվանագիտական աղբյուրը հայտնել էր, որ այսօրվա հանդիպմանը կոնսենսուսի հույսերը մեծ են։ Նրա խոսքով՝ բանակցությունների ընթացքում հաշվի են առնվում ինչպես Մոսկվայի մտավախությունները, այնպես էլ ռուսական գյուղմթերքի արտահանման ապահովագրական, լոգիստիկ եւ բանկային հատվածներում պատժամիջոցների առկայությունը։