Ղրղզստանը և Տաջիկստանը հակամարտության դադարեցման մասին համաձայնագիր են ստորագրել

Ղրղզստանը և Տաջիկստանը համաձայնագիր են ստորագրել հակամարտությունների դադարեցման մասին: Այս մասին տեղեկացնում է «ՌԻԱ Նովոստի» գործակալությունը:

Հիշեցնենք, որ իրադրությունը երկու պետությունների սահմանին սրվել Էին սեպտեմբերի 14-ին: Ղրղզական կողմի վարկածով՝ տաջիկ սահմանապահները չորեքշաբթի օրը ներթափանցել էին սահմանի հատված Ղրղզստանի Բատկենի մարզի Բատկենի շրջանի Բուլակ Բաշի բնակավայրի շրջանում եւ «գրավել մարտական դիրքեր»:  Տարածքից հեռանալու պահանջին ի պատասխան Տաջիկստանի սահմանապահները կրակ էին բացել, ինչից հետո ծայր էր առել փոխհրաձգություն: Ղրղզական կողմը հայտնել Էր երկու վիրավոր զինծառայողների եւ երեք տուժած քաղաքացիական անձանց մասին: