Սեուլում տեղի ունեցած հրմշտոցի հետևանքով զոհերի թիվն ավելացել է. ինչ է հայտնի

Սեուլի կենտրոնում՝ Իթհևոն թաղամասում տեղի ունեցած հրմշտոցի հետևանքով զոհերի թիվը հասել է 156-ի, հայտնում է Yonhap լրատվական գործակալությունը։
 

Վերջին տվյալներով՝ տուժածների թիվը 151 է։ 40 հոսպիտալացվածներից 29-ի վիճակը գնահատվում է ծանր։

Նաև նշվում է, որ զոհերի թվում առնվազն 22-ը օտարերկրացի են:

ТАСС-ի հաղորդմամբ՝ այս ողբերգությունն ամենամեծն է 2014 թվականից ի վեր, երբ խորտակվեց «Սևոլ» նավը։ Այդ ժամանակ մահացել էր 304 մարդ, հիմնականում՝ դպրոցականներ։