«Մանչեսթեր Յունայթեդը» խզել է Ռոնալդուի հետ պայմանագիրը

«Մանչեսթեր Յունայթեդի» հարձակվող Կրիշտիանու Ռոնալդուն լքել է անգլիական ակումբը։  Այս մասին հայտնում է թիմի մամուլի ծառայությունը,  գրում է Championat com-ը։ 

Հաղորդագրության մեջ նշվում է, որ կողմերը երկկողմանի համաձայնությամբ խզել են պայմանագիրը։  Ակումբը շնորհակալություն է հայտնել պորտուգալացուն թիմի զարգացման գործում ունեցած հսկայական ներդրման համար։ 

Ընդհանուր առմամբ «կարմիր սատանաների» կազմում նա 346 խաղում խփել է 145 գոլ։  Ակումբը Ռոնալդուին և նրա ընտանիքին մաղթում է ամենայն բարիք ապագայում։  

Ավելի վաղ հարձակվողը աղմկահարույց հարցազրույց էր տվել բրիտանացի լրագրող Պիրս Մորգանին։ Նա նշել էր, որ չի հարգում հոլանդացի մասնագետին, ով այժմ գլխավորում է մանչեսթերյան ակումբը։